شی ننگ(شِنہوا)چین کے سطح مرتفع پر واقع شمال مغربی صوبے چھنگھائی میں بغیر پائلٹ کے ڈرون کو ناکام بنانے کے نظام سے لیس ایک 750 کے وے الٹرا ہائی وولٹیج سب اسٹیشن نے کام شروع کر دیا ہے۔

 سب اسٹیشن  سی ایچ این انرجی چھنگھائی میرڈانگ ہائیڈرو پاور اسٹیشن کا ایک حصہ ہے جو ہائی نان تبت کے خود مختار پریفیکچر میں 3 ہزار 365 میٹر کی بلندی پر واقع ہے۔ اس سب اسٹیشن کی تعمیر 10 ماہ کی مدت میں مکمل ہوئی۔

چھنگھائی میں یہ پہلا ذہین سب سٹیشن ہے جو بغیر پائلٹ کے ڈرون کو ناکام بنانے کے نظام سے لیس ہے۔ یہ بغیر پائلٹ ڈرون طیاروں کے سگنل پکڑنے اور نامعلوم ڈرونز کو روکنے کے لیے دفاعی موڈ کو آن کرنے کی صلاحیت رکھتا ہے۔ اسکےساتھ ساتھ یہ ایک ذہین سب سٹیشن ہے جو سمارٹ فنکشنز کے درمیان ڈیٹا شیئرنگ اور ملحقہ سب سٹیشنز اور پاور گرڈ کنٹرول سینٹرز کے ساتھ ذہین روابط قائم رکھنے کی صلاحیت کابھی حامل ہے۔