اقوام متحدہ (شِنہوا)اقوام متحدہ میں چین کے مستقل نمائندے نے بین الاقوامی برادری سے باہمی اعتماد کومضبوط بنانےاورشراکت داری قائم کرنے کا مطالبہ کیاہے۔

مستقل نمائندے ژانگ جون نے سلامتی کونسل میں قیام امن اورپائیدارامن پر کھلی بحث:پائیدار امن کے لیے فیوچر پروفنگ ٹرسٹ میں کہا کہ ہمیں بنی نوع انسان کے ہم نصیب مستقبل کے ساتھ ایک کمیونٹی کے تصور پراپنے یقین کومضبوطی سے قائم کرتے ہوئے حقیقی کثیرالجہتی پر عمل ،باہمی اعتماد کو مضبوط اور عالمی شراکت داری کو فروغ دینا چاہیے۔

چینی نمائندے نے اس بات پر زور دیا کہ دنیا اس وقت اعتماد کے سنگین بحران سے دوچار ہے۔ مختلف پیچیدہ مسائل کے ساتھ ترقی، امن، سلامتی اور گورننس میں ایک دوسرے سے منسلک اوربگڑتی ہوئی صورتحال کے ساتھ ساتھ عدم اعتماد کی طویل عرصے سے ایک فضا قائم ہے۔

انہوں نے کہا کہ ممالک کے درمیان سیاسی اعتماد کو اس سے زیادہ آسانی سے کوئی چیز مجروح نہیں کر سکتی کہ ان کے تعلقات میں اونچ نیچ آئے یا وہ بین الاقوامی تعلقات کے وعدوں کو توڑتے ہوئے ان معاہدوں کا احترام نہ کریں جن پر انہوں نے دستخط کررکھے ہیں اور وہ جان بوجھ کراپنے سیاسی وعدوں سے پیچھے ہٹیں۔

انہوں نے کہا کہ اس طرح کا طرز عمل اور ذہنیت باہمی اعتماد کو مضبوط کرنے اور دیرپا امن کے ساتھ ساتھ عالمی ترقی اور پیشرفت کی کوششوں کے خلاف ہے۔