بیجنگ(شِنہوا) چین  کے قومی ثقافتی ورثہ  کے ادارے( این سی ایچ اے) نے  ملک کی علامت،دیوارِ چین  کے تحفظ کی کوششوں کو تیزکرنے کااعلان کیا ہے۔

این سی ایچ اے کی جانب سے جاری سرکلر کے مطابق ملک بھر کے ثقافتی ورثے کے تحفظ کے محکموں سے کہا گیا ہے کہ وہ دیوارِ چین  کے موجودہ حصوں  کی صورتحال  کا مناسب سروے کریں، اور ان کی ساختی حفاظت کو یقینی بنانے اور ان کی تاریخی خصوصیات کے تحفظ کے لیے موثر اقدامات کریں۔

دیوارِ چین  ایک دوسرے سے جڑی ہوئی کئی ایک دیواروں پر مشتمل ہے، جن میں سے کچھ 2ہزار سال پرانی ہیں۔ موجودہ حصوں کی کل لمبائی 21ہزارکلومیٹر سے زیادہ ہے۔

این سی ایچ اے نے مقامی محکموں سے کہا کہ وہ گرے ہوئے گریٹ وال حصوں کی جگہوں  کو ایسے ہی چھوڑ دیں ، اوروہاں پر  دیواروں کو دوبارہ تعمیر نہ کریں یا وہاں بڑے پیمانے پر بحالی کا کام نہ کریں۔

دستاویز میں کہا گیا ہے کہ  دیوارِ چین کے مختلف مقامات پر موجود سہولیات کی منصوبہ بندی اور حفاظت اور استعمال کی بنیادی ضروریات کے مطابق احتیاط سے تعمیر کی جانی چاہیے، جبکہ سیاحتی مقامات، پارکنگ لاٹس، سیاحتی مراکز اور عجائب گھروں کی ضرورت سے زیادہ ترقی سے گریز کیا جانا چاہیے۔