بیجنگ (شِنہوا) چین کے وزیر خارجہ وانگ یی نے  اسرائیل-فلسطین  کشیدگی کو کم کرنے اور غزہ میں انسانی بنیادوں پر جنگ بندی کا مطالبہ کیا ہے۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے ان خیالات کا اظہار اردن کے نائب وزیر اعظم اور وزیر خارجہ ایمن صفدی کے ساتھ فون پر بات چیت کرتے ہوئے کیا۔

چینی وزیر خارجہ نے کہا کہ ان کا ملک غزہ کی پٹی میں پناہ گزین کیمپوں پر حملوں کی شدید مذمت کرتا ہے۔ فلسطینی اور اسرائیلی عوام کی زندگیاں یکساں اہم ہیں، اور کوئی دوہرا معیار نہیں ہونا چاہیے اور انسانی تباہی جاری نہیں رہنی چاہیے۔

   وانگ نے زور دے کر کہا کہ چین اردن کی طویل المدتی کوششوں اور فلسطینی اسرائیل امن مذاکرات کو فروغ دینے اور عرب ممالک کی جانب سے فلسطین اسرائیل تنازعہ پر اقوام متحدہ کی جنرل اسمبلی میں مسودہ  قرارداد کی تجویز کو سراہتا ہے۔