اقوام متحدہ(شِنہوا)اقوام متحدہ میں چین کے سفیرنے یوکرین میں لڑائی کےخاتمےاوربحران کے وسیع ہوتے اثرات پر قابو پانے کی ضرورت پر زور دیاہے۔ اقوام متحدہ میں چین کے مستقل نمائندے ژانگ جون نے کہا کہ امن کے حصول کے لیےبین الاقوامی برادری کو فریقین کی حوصلہ افزائی کرنی چاہیے کہ وہ صبر اور تحمل کا مظاہرہ کریں،ایک دوسرے سے برابری کی بنیاد پر بات چیت کرتے ہوئے اتفاق رائے حاصل کریں، امن اور مذاکرات کی  آوازوں کو مضبوط اور امن مذاکرات کے لیے سازگار حالات پیدا کرنے کے لیے مختلف امن اقدامات پر عمل درآمد کے طریقے تلاش کریں۔

انہوں نے سلامتی کونسل کو بتایا کہ جلتی پر تیل ڈالنے،میدان جنگ میں ہتھیاروں کی فراہمی جاری رکھنے،یکطرفہ پابندیوں میں اضافے یا ایسے کسی اقدام سے گریز کرنا چاہئے جس سے تنازعہ قابو سے باہرہوجائے ۔

انہوں نے کہا کہ  تمام ممالک کی سلامتی ایک دوسرے سے منسلک ہے،  یوکرین کے بحران نے ایک بار پھر یہ ظاہر کر دیا ہے کہ سرد جنگ کی ذہنیت پرعمل پیرا ہونا، بلاکس کے تصادم کو ہوا دینا اور مکمل سلامتی کی خواہش قابل عمل نہیں ہے۔