بریزاویل (شِنہوا)چینی حکومت نے عالمی خوراک پروگرام کے تحت جمہوریہ کانگو کو خوراک مہیا کی ہے جو شہری علاقوں کے کمزور طبقات کو مہیا کی جائے گی۔اس ضمن میں حوالگی تقریب عالمی خوراک پروگرام کے کنٹری دفتر میں منعقد ہوئی جس میں جمہوریہ کانگو میں چین کے سفیر ما فولین اور سماجی ، یکجہتی اور انسانی ہمدردی امور کی وزیر آئرین میری سیسل ایمبوکو کمبیٹسا نے شرکت کی۔عالمی خوراک پروگرام اور مقامی حکومتیں بریزاویل اور پوائنٹ نوئر شہروں میں تقریبا 1 لاکھ 70 ہزار افراد میں عطیہ کردہ چاول تقسیم کریں گی۔ما نے تقریب میں کہا کہ یہ عطیہ جمہوریہ کانگو کے شہری علاقوں کے کمزور طبقات کو خوراک مہیا کرنے کے منصوبے پر عملدرآمد کا حصہ ہے۔کانگو کی وزیر نے کہا کہ اس عطیہ نے 2020-2019 کے سیلاب زدگان کو ہنگامی خوراک اور غذائی امداد کی فراہمی یقینی بنادی ہے۔ انہوں نے دیگر شراکت داروں سے درخواست کی کہ وہ تحفیف غربت سمیت مختلف مشکلات سے نمٹنے میں ملک کی مدد کریں۔کانگو میں عالمی خوراک پروگرام کے قائم مقام نمائندے مامادو مبائے نے کہا کہ چین اقوام متحدہ کی اس تنظیم سے تعاون کرنے والے بڑے ممالک میں سے ایک ہے۔ انسانی ہمدردی کی بنیاد پر اقدامات کی مضبوطی اور ترقی کے منصوبوں کو عملی جامہ پہنانے میں اس کا تکنیکی اور مالی تعاون ہمارے لیے بہت اہمیت کا حامل ہے۔