بیجنگ(شِنہوا)چین کے عدالتی حکام نے خواتین اور بچوں کے حقوق اور مفادات کے تحفظ کیلئے گھریلو تشدد سے نمٹنے کے ٹھوس اقدامات  میں اضافہ کرتے ہوئے بچوں کے خلاف جرائم کے لیے عدم برداشت کا موقف اختیار کیا ہے۔

سپریم کورٹ کی طرف سے منگل کو قومی مقننہ میں بحث کے لیے پیش کی گئی ایک رپورٹ کے مطابق گزشتہ پانچ سالوں کے دوران ملک بھر میں شادیوں اور خاندان سے متعلق تقریباً 90 لاکھ مقدمات کا فیصلہ کیا گیا  اور 13 ہزار ذاتی تحفظ کے احکامات جاری کیے گئے۔

اعلیٰ پراسیکیوریٹ نے ایک علیحدہ رپورٹ میں کہا کہ 2021 سے لے کر اب تک 3 ہزار 152 مشتبہ افراد کے خلاف سمگلنگ اورسمگل شدہ خواتین اور بچوں کو خریدنے کے الزام میں مقدمہ چلایا گیا جو پچھلے دو سالوں کے مقابلے میں 16 فیصد زیادہ ہے۔

بچوں کے تحفظ کے معاملے میں گزشتہ پانچ سالوں میں 2 لاکھ 90ہزارمشتبہ افراد کے خلاف جنسی زیادتی، بدسلوکی اور تشدد سمیت بچوں کے خلاف جرائم  پر مقدمہ چلایا گیا۔