بیجنگ (شِنہوا) چین کھپت کی بحالی کو تقویت دینے سے متعلق مزید اقدامات کررہا ہے۔ 

قومی ترقیاتی اور اصلاحات کمیشن کے ترجمان مینگ وائی نے ایک پریس کانفرنس میں بتایا کہ رواں سال کی پہلی سہ ماہی میں چین کی صارف مارکیٹ کی اچھی شروعات ہوئی ہے جس نے سال بھر کے لئے کھپت کی بحالی و توسیع کی ٹھوس بنیاد رکھ دی ہے۔

مینگ نے کہا کہ چین بڑے پیمانے پر کھپت کے استحکام ، خدمات کی کھپت میں بہتری  اور بحالی کا رجحان برقراررکھنے ، دیہی علاقوں میں کھپت بڑھانے پر توجہ دینے کے ساتھ ساتھ متعلقہ دستاویز تیار کررہا ہے۔

ترجمان کے مطابق گاڑیوں  کی کھپت بڑھانے کے لیے شہروں میں بیٹری چارجنگ اور پارکنگ سہولیات کی تعمیر کو تیز کیا جائے ۔ اس کے علاوہ  دیہی علاقوں میں نئی توانائی  گاڑیوں کو فروغ دیا جائے گا۔

مینگ نے مزید کہا کہ صارفین کا رجحان بہتر بنانے کے لئے ذاتی آمدن بڑھانے اور سازگار ماحول کے  فروغ کی کوشش کی جائے گی۔

سابقہ اعداد و شمار کے مطابق چین میں رواں سال کے دوران خوردہ فروخت میں تیزی رہی اور اس میں گزشتہ برس کی نسبت 5.8 فیصد اضافہ ہوا۔ پہلی سہ ماہی کی مجموعی قومی پیداوار کی نمو میں حتمی کھپت کا حصہ 66.6 فیصد تھا۔