بیجنگ(شِنہوا) چین کا مال بردار خلائی جہاز تیانژو-5 منگل کی صبح 9 بج کر13 منٹ  (بیجنگ وقت) پر زیرکنٹرول  طریقے سے خلا سے زمین کی فضا میں دوبارہ داخل ہوا۔

چائنہ مینڈ اسپیس ایجنسی کے مطابق فضا میں دوبارہ داخلے کے دوران خلائی جہاز کے زیادہ تر اجزاء جل گئے تھے اوراس کاتھوڑا سا ملبہ جنوبی بحرالکاہل کے پہلے سے مقررہ محفوظ پانیوں میں گر گیا۔

تیانژو-5  پیر کی شام 4 بج کر46 منٹ پر تیانگونگ خلائی اسٹیشن کے مجموعہ سے الگ ہونے کے بعد زمین کی جانب بڑھا تھا۔

تیانژو-5 کو12 نومبر 2022 کو جنوبی صوبے ہائی نان کے وین چھانگ لانچنگ سائٹ سے خلا میں بھیجا گیا تھا جو پروپیلنٹ، سائنسی تجربات کے لیے مواد اور خلابازوں کے لیے سامان سے لدا ہوا تھا۔