بیجنگ (شِنہوا) چین مغربی سائنس سٹی کی تعمیر میں تیزی لانے اور قومی اثر و رسوخ کے ساتھ سائنس وٹیکنالوجی اختراع  مرکز کی تعمیر میں سیچھوان صوبے کے چھنگ ڈو اور بلدیہ چھونگ چھنگ کی معاونت کرے گا۔

یہ دستاویز چین کی وزارت سائنس و ٹیکنالوجی سمیت 12 مرکزی اداروں، بلدیہ چھونگ چھنگ اور سیچھوان کی حکومتوں نے مشترکہ طور پر جاری کی ہے۔

دستاویز کے مطابق چھنگ  ڈو، چھونگ چھنگ اور میان یانگ شہروں میں موجود سائنس و ٹیکنالوجی پارک سائنس سٹی کے اسٹارٹ اپ خطے ہوں گے۔  اس کے علاوہ  کلسٹر ڈیویلپمنٹ میں تیزی اور مشترکہ اختراع نیٹ ورک کے تشکیل کی کوشیں کی جائیں گی۔ 

دستاویز میں مرکزکے بنیادی مقاصد کی وضاحت کرتے ہوئے بتایا گیا ہے کہ 2025 تک عالمی معیار کے متعدد اختراع پلیٹ فارمز و تحقیقی مراکز کا قیام اور معروف جامعات ، اداروں اور اختراعی کاروباری اداروں کو یکجا کیا جائے گا تاکہ میٹریل اور نیوکلیائی سائنس جیسے بنیادی نصاب میں جدید تحقیق میں قائدانہ کردار ادا کیا جاسکے۔

اس دستاویز میں 2025 تک حاصل کردہ مخصوص اہداف پر روشنی ڈالی گئی ہے جن میں مجموعی تحقیق و ترقی اخراجات میں علاقائی جی ڈی پی کے 5 فیصد سے زائد سرمایہ کاری کرنا فی 10 ہزار افراد پر 80 سے زیادہ اعلیٰ درجے کے پیٹنٹ تیارکرنا شامل ہے۔

سائنس سٹی کو 2035 تک ایک جامع سائنس مرکز میں تبدیل کردیا جائے گا جو دنیا بھر کے اعلیٰ سائنسدانوں کو راغب کرے گا ، سرکردہ شعبوں میں سائنسی کامیابیاں حاصل کرے گا اور  صنعتوں کو عالمی سطح کی چین میں اعلیٰ مقام پر لے جایا جائے گا۔