بیجنگ(شِنہوا)  چین کی حکومت نے مخصوص گریفائٹ مواد اور متعلقہ مصنوعات پر برآمدی کنٹرول نافذ کرنے کا اعلان کیا ہے۔

وزارت تجارت (ایم اوسی) اور کسٹمز کی جنرل ایڈمنسٹریشن کی طرف سے مشترکہ طور پر جاری کردہ اعلان  کے مطابق  انتہائی خالص(99.9فیصد)انتہائی طاقتور(30ایم پی اے) اور اعلی کثافت (1.73 گرام/کیوبک سینٹی میٹر) کے حامل  مصنوعی گریفائٹ مواد اور متعلقہ مصنوعات پر اجازت ملنے تک پابندی ہوگی۔

اعلان کے مطابق، قدرتی فلیک گریفائٹ اور اس کی مصنوعات، بشمول اسفیرائیڈائزڈ گریفائٹ اور توسیع شدہ گریفائٹ، کو بھی اجازت ملنے  تک برآمد کرنے سے روک دیا گیا ہے۔

اعلان کے مطابق، برآمدی کنٹرول کے اقدامات یکم دسمبر 2023 سے لاگو ہوں گے۔