بیجنگ (شِنہوا) چین روزگار کے مواقع وسیع کرنے اور اس میں پائیداری برقرار رکھنے کے لئے کثیر الجہتی اور حسب ضرورت اقدامات کرے گا۔
ریاستی کونسل جنرل آفس کے ایک مراسلہ کے مطابق " اول روزگار" کی حکمت عملی کے تحت چین روزگار کے مزید مواقع پیدا کرنے اور حال ہی میں فارغ التحصیل نوجوانوں کے ساتھ ساتھ دیگر اہم گروپوں کے بیروزگار افراد کو ملازمت دینے والے اداروں کو روزگار پر مہیا کردہ سسبڈی میں اضافہ کرے گا۔
اس کے علاوہ کاروبار کے لئے قرض تعاون بڑھائے گا اور ساتھ ہی پیشہ ورا نہ مہارت کی تربیت کو فروغ دے گا۔
مراسلہ کے مطابق کالج گریجویٹ سمیت نوجوانوں کو ملازمت مہیا کرنے والے اداروں کی حوصلہ افزائی کی جارہی ہے۔ یہ نوجوان پرائمری سطح کے اداروں میں ملازمت تلاش کرسکتے ہیں یا شہری و دیہی علاقوں میں کاروبارشروع کرسکتے ہیں۔
ملک میں اہل گریجویٹس کو ایک بار سبسڈی اور بیروزگاروں کو بیمہ کی رقم و عارضی الاؤنس دیا جائے گا جس کا مقصد ملازمت تلاش کرنے والوں کو درپیش مشکلات کم کرنا ہے۔
