بیجنگ (شِنہوا) چین کی وزارت تجارت نے کہا ہے کہ ایک متحد مقامی مارکیٹ کی تلاش غیرملکی سرمایہ کاری والے کاروباری اداروں سمیت مختلف مارکیٹ اداروں کو ایک بہتر ماحول اور ایک بڑا میدان فراہم کرے گی۔
وزارت کے عہدیدار ژو چھیانگ نے ایک پریس کانفرنس میں بتایا کہ ہم ایک عالمی اور مکمل طور پر کھلے پن کی حامل متحد مقامی مارکیٹ قائم کررہے ہیں ۔ انہوں نے مزید بتایا کہ چین کی بڑی سطح کی منڈی کو بھرپور طریقے سے استعمال کرنے اور اعلیٰ سطح کے کھلے پن کو فروغ دینے کے لئے مزید کوششیں کی جائیں گی۔
ژو نے بتایا کہ ملک غیر ملکی سرمایہ کاروں کے لئے مارکیٹ تک رسائی مزید آسان بنائے گا ۔ انہوں نے غیر ملکی سرمایہ کاری کے لئے ملک کی منفی فہرست کو مناسب طریقے سے کم کرنے اور اعلیٰ معیار کے بین الاقوامی اقتصادی و تجارتی قوانین کے ساتھ ہم آہنگ کرنے کے اقدامات کا وعدہ کیا تاکہ اصلاحات کو گہرا اور ادارہ جاتی کھلے پن کو تیزی سے آگے بڑھایا جاسکے۔
ژو نے بتایا کہ اقتصادی و تجارتی نمائشوں اور بڑے غیر ملکی سرمایہ کاری منصوبوں کے لئے خصوصی طریقہ کار سے بہتر طور پر فائدہ اٹھایا جائے گا تاکہ مزید پلیٹ فارم اور بہتر خدمات فراہم کی جا سکیں۔
انہوں نے کہا کہ غیر ملکی سرمایہ کاروں کے جائز مفادات کے بہتر تحفظ، مارکیٹ اور قانون پر مبنی بین الاقوامی کاروباری ماحول مہیا کرنے کی بھی کوشش کی جائیں گی۔
