بیجنگ (شِںہوا) چین سرحد پار سفر آسان بنانے کے لئے اپنی ویزا اور داخلہ پالیسیوں کو ایڈجسٹ کررہا ہے جس کے تحت 28 مارچ 2020 سے قبل جاری کردہ مئوثر ویزا کے حامل غیرملکیوں کو چین میں داخلے کی اجازت دیدی گئی ہے۔

قومی امیگریشن انتظامیہ نے کہا ہے کہ جنوبی جزیرائی صوبہ ہائی نان اور شنگھائی بندرگاہوں پر کروز سیاحتی گروپس میں شمولیت کے لئے ویزا فری پالیسیاں دوبارہ شروع کی جارہی ہیں۔

جنوبی صوبہ گوانگ ڈونگ میں ہانگ کانگ اور مکاؤ کے غیر ملکیوں کے سیاحتی گروپس کے لئے ویزا فری داخلہ بحال کردیا جائے گا ۔ اسی طرح آسیان ممالک کے سیاحتی گروپس کے لئے جنوبی گوانگ شی ژوانگ خوداختیارخطے کے گو ئی لِن میں داخلہ کا طریقہ کار بحال کردیا جائے گا۔

امیگریشن حکام کے مطابق یہ پالیسیاں بدھ سے نافذ العمل ہوں گی۔