بیجنگ(شِنہوا)چین تیل کی بین الاقوامی قیمتوں میں حالیہ اضافے کی بنیاد پر بدھ سے پٹرول اور ڈیزل کی خوردہ قیمتوں میں اضافہ کرے گا۔ نیشنل ڈویلپمنٹ اینڈ ریفارم کمیشن نے منگل کو ایک بیان میں کہا کہ پٹرول اور ڈیزل کی قیمتوں میں بالترتیب 100 یوآن (تقریباً 14.12 ڈالر) فی ٹن اور 95 یوآن فی ٹن کا اضافہ ہوگا۔  کمیشن کے مطابق  تیل کی بین الاقوامی مارکیٹ  میں مختصر مدت کے لیے اتار چڑھاؤبرقرار رہے گا۔ قیمتوں کے تعین کے موجودہ طریقہ کار کے تحت، ریفائنڈ تیل کی مصنوعات کی قیمتوں میں خام تیل کی بین الاقوامی قیمتوں میں ہونے والی تبدیلیوں کے مطابق ردوبدل کیا جاتا ہے۔