بیجنگ (شِنہوا) چین نے  تیل کی بین الاقوامی قیمتوں میں حالیہ اضافے کی بنیاد پر ہفتہ سے پٹرول اور ڈیزل کی خوردہ قیمتوں میں اضافہ کرنے کااعلان کیاہے۔

نیشنل ڈویلپمنٹ اینڈ ریفارم کمیشن نے جمعہ کو ایک بیان میں کہا کہ پٹرول اور ڈیزل کی قیمتوں میں بالترتیب 210 یوآن (تقریباً 31.17 ڈالر) فی ٹن اور 200 یوآن فی ٹن اضافہ ہوگا۔ قیمتوں کے تعین کے موجودہ طریقہ کار کے تحت، چین میں ریفائنڈ تیل کی مصنوعات کی قیمتیں خام تیل کی عالمی قیمتوں میں ہونے والی تبدیلیوں کے مطابق ایڈجسٹ کی جاتی ہیں۔

 چین کی بڑی تیل کمپنیوں کے ساتھ ساتھ آئل ریفائنریوں کو ہدایت کی گئی ہے کہ وہ تیل کی پیداوار کو برقرار رکھیں اور مستحکم سپلائی کو یقینی بنانے کے لیے نقل و حمل کو آسان بنائیں۔