بیجنگ (شِنہوا) چین نے تیل کی بین الاقوامی قیمتوں میں حالیہ تبدیلیوں کی بنیاد پر بدھ سے پٹرول اور ڈیزل کی خوردہ قیمتوں میں کمی کرنے کا اعلان کیا ہے۔

نیشنل ڈیویلپمنٹ اینڈ ریفارم کمیشن کے مطابق پٹرول کی قیمتوں میں 415 یوآن (تقریباً 58.47 ڈالر) فی ٹن اور ڈیزل کی قیمتوں میں 400 یوآن فی ٹن کمی کی جائے گی۔

ملک میں قیمتوں کے تعین کے موجودہ طریقہ کار کے تحت، خام تیل کی بین الاقوامی قیمتوں میں تبدیلی کے بعد ریفائنڈ آئل مصنوعات کی قیمتوں میں ردوبدل کیا جاتا ہے۔