بیجنگ(شِنہوا) چین نے  تیل کی بین الاقوامی قیمتوں میں حالیہ تبدیلیوں کی بنیاد پر بدھ سے پٹرول اور ڈیزل کی خوردہ قیمتوں میں کمی کا اعلان کیا ہے۔

 نیشنل ڈویلپمنٹ اینڈ ریفارم کمیشن کے مطابق پٹرول اور ڈیزل کی قیمتوں میں بالترتیب 380 یوآن (تقریباً 54.67 ڈالر) فی ٹن اور 365 یوآن فی ٹن کمی کی جائے گی۔ قیمتوں کے تعین کے موجودہ طریقہ کارکے تحت، خام تیل کی بین الاقوامی قیمتوں میں تبدیلی کے بعد ریفائنڈ تیل کی مصنوعات کی قیمتوں میں ردوبدل کیاجاتا ہے۔

کمیشن نے ملک کی تین بڑی تیل کمپنیوں چائنہ نیشنل پٹرولیم کارپوریشن، چائنہ پیٹرو کیمیکل کارپوریشن اور چائنہ نیشنل آف شور آئل کارپوریشن اور آئل ریفائنریوں کو تیل کی پیداوار کو برقرار رکھتے ہوئےمستحکم سپلائی کو یقینی بنانے کے لیے نقل و حمل میں سہولت فراہم کرنے کی ہدایت کی ہے۔