بیجنگ (شِنہوا) چین کے شعبہ ترسیل نے اکتوبر کے دوران مستحکم ترقی کی رفتار کو برقرار رکھا ہے۔

چائنہ فیڈریشن آف لاجسٹکس اینڈ پرچیزنگ کے مطابق ملک میں ترسیل مارکیٹ کی کارکردگی پر نگاہ رکھنے والا انڈیکس گزشتہ ماہ 52.9 فیصد رہا جو ستمبر کے مقابلے میں 0.6 فیصد پوائنٹس کم ہے۔

انڈیکس کی 50 فیصد سے اوپر کی ریڈنگ پھیلاؤ جبکہ اس سے نیچے کی ریڈنگ سکڑاؤ کو ظاہر کرتی ہے۔

فیڈریشن کے چیف اکانومسٹ ہی ہوئی نے بتایا کہ چین کی ترسیل مارکیٹ کی کارکردگی گزشتہ ماہ توسیعی زون میں تھی اور تمام خطوں میں ترسیلی سرگرمیاں مضبوط رہیں۔

انہوں نے مزید کہا کہ آپریشن کی اگلے مرحلے میں اس شعبے کی بنیاد مستحکم ہے کیونکہ معاشی ترقی کے لئے درکار اندرونی قوت مستقل طور پر جاری رہے گی۔