بیجنگ (شِنہوا) چین کی نیشنل امیگریشن ایڈمنسٹریشن نے کہا ہے کہ چین سرحد پار سفر کو آسان بنانے کے لئے ملک کی کوششوں کے ایک حصے کے طور پر 15 مئی سے اپنی تمام بندرگاہوں پر فاسٹ لین سروسز دوبارہ شروع کرے گا۔

انتظامیہ نے ایک بیان میں کہا ہے کہ ایسے چینی شہر یوں کو تیز رفتار سرحدی معائنے کے لئے فاسٹ لینز استعمال کرنے کی اجازت ہو گی جن کے پاس چینی پاسپورٹ، ہانگ کانگ، مکاؤ اور تائیوان کے سفر کے لئے آمدورفت کا اجازت نامہ

مو جود ہو ۔

 اس کے ساتھ ہانگ کانگ اور مکاؤ کے رہائشیوں کے لئے مین لینڈ کے سفری اجازت نامے، تائیوان کے رہائشیوں کے لئے پانچ سالہ مین لینڈ کے سفری اجازت نامے  اور ایک سال کے لئے درست متعدد داخلوں کے اجازت نامے جیسی سفری دستاویزات  رکھنے والے یہ سہو لت استعمال کر سکیں گے۔

بیان میں مزید کہا گیا ہے کہ غیر ملکی اپنے پاسپورٹ یا الیکٹرانک پاسپورٹ اور چین کی جانب سے جاری کردہ غیر ملکی مستقل رہائشی شناختی کارڈ اور رہائشی اجازت نامے کے ساتھ اس سروس کا استعمال کر سکتے ہیں۔