ہیفے (شِنہوا) چین کے مشرقی صوبے آنہوئی میں واقع اوریجن کوانٹم کمپیوٹنگ ٹیکنالوجی (ہیفے) کمپنی لمیٹڈ میں چین کا اپنی مدد آپ کے تحت تیارکردہ تیسری نسل کے سپر کنڈکٹنگ کوانٹم کمپیوٹر اوریجن ووکانگ نے کام شروع کردیا۔

کوانٹم کمپیوٹر ووکانگ سے چلایا جارہا ہے جس میں 72 کیوبٹ مقامی ساختہ سپر کنڈکٹنگ کوانٹم چپ استعمال کی گئی ہے۔ محققین کے مطابق یہ چین کا جدید ترین  پروگرام ایبل اور ڈیلیوری ایبل سپر کنڈکٹنگ کوانٹم کمپیوٹر ہے۔

آنہوئی کوانٹم کمپیوٹنگ انجینئرنگ ریسرچ سینٹر کے ڈپٹی ڈائریکٹر کانگ وائی چھنگ نے اس بات کا تذکرہ کیا کہ کمپیوٹر تیسری نسل کے کوانٹم کمپیوٹنگ کنٹرول سسٹم کے ساتھ مربوط ہے جو کوانٹم کمپیوٹر کی مجموعی فعال کارکردگی کو کئی گنا بڑھا دیتا ہے۔

آنہوئی کوانٹم کمپیوٹنگ انجینئرنگ ریسرچ سینٹر کے کوانٹم کمپیوٹنگ چپ پراونشل کِیی لیبارٹری کی ڈپٹی ڈائریکٹر جیا ژی لونگ نے بتایا کہ ووکانگ چپ 198 کیوبٹ پر مشتمل ہے  جس میں 72 کمپیوٹیشنل اور 126 کپلرکیوبٹ ہیں۔

ووکانگ کا نام سُن ووکانگ سے منسوب کیا گیا ہے جو ایک ایسا افسانوی کردار ہے جو 72 مختلف اشکال تبدیل کرسکتا ہے۔ یہ کمپیوٹر کی طاقتور اور ورسٹائل صلاحیتوں کی علامت بھی ہے۔