بیجنگ (شِنہوا) چین میں 2023 کے ابتدائی 7 ماہ کے دوران صاف توانائی کی نئی نصب شدہ صلاحیت میں مسلسل اضافہ ہوا ہے۔

قومی توانائی انتظامیہ کے مطابق شمسی توانائی کی نئی نصب شدہ صلاحیت گزشتہ برس کی نسبت 42.9 فیصد بڑھ کر 49 کروڑ کلوواٹ ہوگئی جبکہ ہوا سے بجلی کی پیداواری صلاحیت تقریباً 39 کروڑ کلووٹ رہی جس میں سالانہ اضافے کی شرح 14.3 فیصد رہی۔

قومی توانائی انتظامیہ نے بتایا کہ ملک میں نصب شدہ بجلی کی پیداواری صلاحیت 2.74 ارب کلو واٹس ہے جو گزشتہ برس کی نسبت 11.5 فیصد بڑھ رہی ہے۔

چین نے  سبز ترقی کی تلاش کی کوششوں کے ضمن میں گزشتہ برسوں کے دوران قابل تجدید توانائی کی سرمایہ کاری میں اضافہ کیا ہے۔

اعداد و شمار کے مطابق ابتدائی 7 ماہ کے دوران چین میں بڑی بجلی کمپنیوں کی شمسی توانائی میں مجموعی سرمایہ کاری گزشتہ برس کی نسبت 108.7 فیصد اضافے کے ساتھ 161.2 ارب یوآن (22.39 ارب امریکی ڈالرز) رہی۔