بیجنگ(شِنہوا) چین میں 2023ء کے دوران 1 کروڑ 15 لاکھ 80 ہزار گریجویٹس کو افرادی قوت میں شامل کرنے یا اپنے کاروبار شروع کرنے میں مدد کرنے کی کوششوں کے حصے کے طور پر متعدد اقدامات اٹھائے جا رہے ہیں۔

اس سلسلے میں وزارت تعلیم اور وزارت انسانی وسائل و سماجی تحفظ کی جانب سے روزگار کے فروغ کی پالیسیوں کو مزید بہتر بنانے اور آئندہ سال گریجویٹس کو ملازمتیں تلاش کرنے یا کاروبار شروع کرنے میں مدد کے انتظامات کرنے کیلئے منگل کو مشترکہ طور پر ایک آن لائن ویڈیو کانفرنس کا بھی انعقاد کیا گیا۔