بیجنگ(شِنہوا) چین  نے میانمار میں متعلقہ فریقوں سے جلد از جلد فائر بندی کا مطالبہ کرتے ہوئے کہا ہےکہ وہ تنازعہ پر گہری نظر رکھے ہوئے ہے۔

 وزارت خارجہ کی ترجمان ماو ننگ نے گزشتہ روز کہا کہ چین متعلقہ فریقوں پر زور دیتا ہے کہ وہ مذاکرات اور مشاورت کے ذریعے تنازعات کو پرامن طریقے سے حل کریں، حالات کو مزید خراب کرنے سے گریز  اور چین میانمار سرحدی علاقوں کی سلامتی اور استحکام کو یقینی بنانے کے لیے موثر اقدامات کریں۔

ترجمان نے یہ بیان ایک پریس کانفرنس میں میانمار کی فوج اور میانمار کی نیشنل ڈیموکریٹک الائنس آرمی (ایم این ڈی اے اے) کے درمیان حالیہ فوجی تنازعے پر ایک سوال کا جواب دیتے ہوئے دیا۔