بیجنگ (شِنہوا) چین متعدی بیماریوں سے بچاؤ اور کنٹرول کے طریقہ کار کو بہتر بنانے کے لیے قانون پر نظر ثانی کررہا ہے۔
متعدی بیماریوں کی روک تھام اور کنٹرول سے متعلق قانون پر نظرثانی کا مسودہ جمعہ کو غور کے لیے ملک کی اعلیٰ مقننہ نیشنل پیپلز کانگریس کی قائمہ کمیٹی کو پیش کیا گیا۔
متعدی بیماریوں کی نگرانی کے نظام کے ترمیمی مسودے میں نگرانی کے مراکز کا قیام اور روک تھام اور طبی علاج کے درمیان ہم آہنگی بڑھانے جیسے اقدامات کی وضاحت کی گئی ہے۔
متعدی امراض کے رپورٹنگ کے طریقہ کار کے بارے میں، مسودہ میں وبا کی اطلاع دینے کے لیے وقت کے تعین اور طریقوں کو واضح کیا گیا ہے اور کسی بھی ایسی کارروائی پر پابندی لگانے کی تجویز ہے جو وبا کی رپورٹنگ میں مداخلت کرتے ہوں۔
اس مسودے میں وبائی امراض سے نمٹنے کے نظام کو بہتر بنانے کے اصول بھی وضع کیےگئے ہیں۔
