بیجنگ (شِنہوا) کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے ار اکین اور سینئر چینی رہنماؤں ژاؤ لی جی، تسائی چھی اور ڈنگ شوئے شیانگ نے چینی قومی مقننہ، 14 ویں قومی عوامی کانگریس کے پہلے اجلاس میں شرکت کی اور تبادلہ خیال کیا۔

ہانگ کانگ اور مکاؤ خصوصی انتظامی خطوں  کے نائبین سے 2 الگ الگ ملا قاتوں میں ژاؤ نے کہا کہ حقائق نے ثابت کیا ہے کہ "ایک ملک، دو نظام" کی پالیسی چینی خصوصیات کے ساتھ سوشلزم کی ایک عظیم اختراع ہے۔

ژاؤ نے کہا کہ یہ پالیسی ہانگ کانگ اور مکاؤ کی مادر وطن واپسی کے بعد پائیدار خوشحالی اور استحکام یقینی بنانے میں بہترین ادارہ جاتی انتظام ثابت ہوئی ہے۔ اس پالیسی پر طویل مدت تک عمل ہونا چاہیئے۔

انہوں نے دونوں خصوصی انتظامی خطوں پر زور دیا کہ وہ خود کو چین کی مجموعی ترقی میں بہتر انداز سے ضم کریں ۔ اپنی خوشحالی و ترقی کے حصول میں نئی بنیادیں قائم کریں اور قومی تجدید شباب میں زیادہ سے زیادہ کردار ادا کریں۔

کمیونسٹ پارٹی آف چائنہ کی مرکزی کمیٹی کے سیکرٹریٹ کے رکن تسائی چھی نے صوبہ چھنگ ہائی کے وفد میں شامل اپنے ساتھی نائبین سے تبادلہ خیال کیا اور چھنگ ہائی تبت سطح مرتفع میں ماحولیاتی تحفظ اوراعلیٰ معیار کی ترقی کے فروغ میں نئی کامیابیوں کے حصول پر زور دیا۔

انہوں نے صوبے پر زور دیا کہ وہ سان جیانگ یوآن علاقے کی حفاظت کے لئے مشن کو اپنائے  جو یانگسی ، زرد ، لان تسانگ دریاؤں کا منبع ہے اور اسے چین میں " پانی کی ٹینکی" بھی کہا جاتا ہے۔

انہوں نے چینی قوم کے لئے کمیونٹی کے مضبوط احساس کو فروغ دینے اور تمام نسلی گروہوں کے درمیان مکالمے ، تبادلے اور انضمام کے فروغ کی کوششوں کا بھی کہا۔

کمیونسٹ پارٹی آف چائنہ کی مرکزی کمیٹی کے جنرل آفس کے ڈائریکٹر ڈنگ نے صوبہ لیاؤننگ کے وفد کی قومی عوامی کمیٹی کے نائبین سے تبادلہ خیال میں کمیونسٹ پارٹی آف چائنہ کی مرکزی کمیٹی کے فیصلوں اور منصوبوں کے مکمل نفاذ اور چینی جدیدیت کو آگے بڑھانے میں ٹھوس پیشرفت کی کوششوں پر زور دیا۔

انہوں نے اصلاحات اور کھلے پن کو گہرا کرنے، ایک مئوثر مارکیٹ اور مکمل طور پر فعال حکومت کے فروغ اور ترقی کا نیا نمونہ قائم کرنے کی کوششیں تیز کرنے پر زور دیا جس کا محور مقامی معیشت ہو اور یہ مقامی اور عالمی اقتصادی بہاؤ کے درمیان مثبت طریقے سے کام کرسکے۔

ڈنگ نے مزید کہا کہ لیاؤننگ سرکاری شعبے کو ٹھوس خطوط پر مستحکم اور ترقی دینے کے لئے پائیدار اقدامات کرے اورغیر سرکاری شعبے کی ترقی میں حوصلہ افزائی، تعاون اور رہنمائی کرنی چاہئے تاکہ ترقی کی نئی رفتار اور توانائی پیدا کی جاسکے۔