بیجنگ (شِنہوا) چینی قانون ساز فوڈ سیکورٹی کو یقینی بنانے کی کوششوں کے تحت کھیتوں کے تحفظ کو مزید بہتر بنانے کے ایک مسودہ قانون پر غور کر رہے ہیں۔
غذائی تحفظ سے متعلق قانون کا مسودہ گزشتہ روز چین کی اعلیٰ مقننہ نیشنل پیپلز کانگریس کی قائمہ کمیٹی میں غور کے لیے پیش کیا گیا۔
مسودہ قانون کی شرائط کے مطابق کھیتی باڑی کے معیار کو بہتر بنانے، بنجر زمینوں کو کاشت کے قابل بنانے اور نمکین الکلی زمین کے جامع استعمال کو فروغ دینے کے لیے اقدامات کیے جائیں۔
مسودہ میں کہا گیا ہے کہ ملک کو قابل کاشت اراضی کے تحفظ کے لیے ایک ٹھوس نظام قائم اور اعلیٰ معیار کی کھیتی باڑی کی ترقی کو تیز کرنا چاہیے۔
کاؤنٹی کی سطح پر یا اس سے اوپر کے سرکاری حکام کو مقامی حالات کے مطابق درجہ بندی کے ذریعے ترک شدہ زمین کو قابل کاشت بنانےکو فروغ دیتے ہوئے زمین کی بحالی کے لیے رہنما اقدامات اٹھانا ہوں گے۔
