بیجنگ(شِنہوا) چین نے تیل کی بین الاقوامی قیمتوں میں حالیہ اضافے کی بنیاد پر پٹرول اور ڈیزل کی خوردہ قیمتوں میں جمعرات سے اضافہ کرنے کا اعلان کیا ہے۔

 نیشنل ڈویلپمنٹ اینڈ ریفارم کمیشن نے بدھ کو ایک بیان میں کہا کہ پٹرول کی قیمتوں میں 240 یوآن (تقریباً 33.53 ڈالر) فی ٹن اور ڈیزل کی قیمتوں میں 230 یوآن فی ٹن کا اضافہ کیا جارہا ہے۔ چین میں قیمتوں کے تعین کے موجودہ طریقہ کار کے تحت، خام تیل کی بین الاقوامی قیمتوں میں تبدیلی کے بعد ریفائنڈ تیل کی مصنوعات کی قیمتوں میں ردوبدل کیا جاتا ہے۔