بیجنگ (شِنہوا) چینی وزیر اعظم لی چھیانگ نے ریاستی کونسل کے ایک ہدایت نامے پر دستخط کئے ہیں جس میں غیر معقول جرمانوں کو مزید منسوخ  اور ایڈجسٹ کرنے ، حکومتی افعال کی تبدیلی کو فروغ دینے اور قانون پر مبنی کاروباری ماحول کو بہتر بنانے کے لئے نظرثانی شدہ انتظامی قواعد و ضوابط کا اعلان کیا گیا ہے۔

ریاستی  کونسل کے انتظامات کے مطابق چین کی وزارت انصاف نے دیگر محکموں کے تعاون سے  سخت ، معیاری اور منصفانہ قانون کے نفاذ کو فروغ دینے اور متعلقہ نظر ثانی شدہ قوانین کی تعمیل کے لئے متعلقہ قواعد و ضوابط کو ترتیب دیا اور 14 انتظامی ضوابط میں ترمیم کرنے اور ایک ضابطے کو ختم کرنے کا فیصلہ کیا۔

روڈ ٹرانسپورٹ اور بین الاقوامی میری ٹائم شپنگ بارے انتظامی قواعد و ضوابط پر نظر ثانی کی گئی  اور روڈ ٹرانسپورٹ آپریٹرز کی جانب  سے کی جانے والی کچھ خلاف ورزیوں کے لئے جرمانے منسوخ یا کم کردیئے گئے ہیں تاکہ کمپنیز اور انفرادی سطح پر لاگت کو کم کیا جائے اور مارکیٹ کے شراکت دار وں کو متحرک کیا جائے۔

ہدایت نامے کے مطابق اس نظر ثانی سے میرین آبزرویٹری اسٹیشنز کے قیام کے لئے کچھ جائزے اور منظوری کے طریقہ کار منسوخ ہوئے ہیں۔

انوائس انتظامیہ بارے قواعد و ضوابط میں ترمیم کی گئی تاکہ انتظامی نظم و نسق کی افادیت کو مزید بہتر بنانے کے لئے الیکٹرانک انوائسز کے استعمال کو فروغ دیا جائے۔

دستاویز کے مطابق مصنوعات کے معیار کی نگرانی کے لئے آزمائشی اقدامات کے ایک سیٹ کو ختم کر دیا گیا تھا  جس کی جگہ متعلقہ قوانین اور قواعد نے لے لی تھی ۔

اس  ہدایت نامے کا نفاذ اعلان کردہ تاریخ سے ہو گا۔