نان ننگ(شِنہوا)  چین کے جنوبی گوانگشی ژوانگ خود اختیارخطےکے دارالحکومت نا ن ننگ سے ایک فو شنگ بلٹ ٹرین روانہ ہوئی جس سے  چین کے جنوبی کارسٹ علاقوں میں بڑے پیمانے پر تیز رفتار ریل خدمات کا آغاز ہو گیا۔

چائنہ ریلوے نا ن ننگ گروپ کمپنی لمیٹڈ کے مطابق  482 کلومیٹر پر پھیلی ہوئی نئی ریلوے نا ن ننگ کو جنوب مغربی صوبہ گوئی ژو کے دارالحکومت گوئی یانگ سے ملاتی ہے۔

گوئی یانگ ۔ نا ن ننگ ہائی اسپیڈ ریلوے کو  350 کلومیٹر فی گھنٹہ کی اعلیٰ رفتار کی سہولت فراہم کرنے کے لئے ڈیزائن کیا گیا تھا۔ یہ اپنی نوعیت کی پہلی ریلوے ہے جو گوئی ژو یا گوانگشی میں تعمیر کی گئی ہے جو دونوں اپنے کارسٹ لینڈ اسکیپ  کے لئے مشہور ہیں۔

گوئی یانگ سے نا ن ننگ تک سفر کرنے میں لگنے والا وقت اب پانچ گھنٹے سے کم کرکے تقریباً تین گھنٹے کر دیا گیا ہےجس سے پہاڑی علاقوں کے رہائشیوں کو بہت فائدہ ہوا ہے اور اس راستے کے ساتھ معاشی ترقی میں حصہ ڈال رہے ہیں۔

نئی ریلوے میں 13 اسٹیشنز ہیں جن میں سے 6 گوئی ژو سیکشن  اور گوانگشی سیکشن میں 7 اسٹیشنز ہیں۔