بیجنگ (شِںہوا) ملک کے اقتصادی منصوبہ ساز قومی ترقی اور اصلاحات کمیشن نے سیلاب اور بارش کے باعث آفات سے متاثرہ علاقوں میں بنیادی ڈھانچے کی تعمیر نو اور بنیادی عوامی خدمات کی بحالی میں مدد کے لئے مزید 50 کروڑ یوآن (تقریباً 6 کروڑ 97 لاکھ امریکی ڈالرز) مختص کرنے کا اعلان کیا ہے۔

قومی ترقی اور اصلاحات کمیشن کے مطابق مرکزی حکومت کی یہ مالی اعانت  ہیبے، حئی لونگ جیانگ ، جیلن اور فوجیان صوبوں کے ساتھ ساتھ بیجنگ اور چھونگ چھنگ بلدیات کو دی جائے گی۔

رواں سال سیلابی موسم میں مسلسل موسلا دھار بارش نے سیلاب اور ثانوی ارضیاتی آفات کو جنم دیا جس سے ملک کے کئی حصوں میں جانی و مالی نقصان ہوا ہے۔

اس سے قبل ہنگامی تعمیرنو کے لئے 20 کروڑ یوآن مہیا کئے گئے تھے،نئی رقم مختص کرنے کے بعد قومی ترقی اور اصلاحات کمیشن کی خصوصی مقاصد  کے لئے فراہم کردہ رقم کی مالیت 70 کروڑ یوآن ہوگئی ہے۔