بیجنگ (شِںہوا) چین میں خدمات کی درآمدات وبرآمدات کا حجم 2022 کے دوران 889.1 ارب امریکی ڈالرز تک پہنچ گیا جو گزشتہ برس کی نسبت 8.3 فیصد زائد ہے۔ اس سے چین نے مسلسل 9 ویں سال دنیا کے دوسرے سب سے بڑے ملک کے طور پر اپنی در جہ بندی برقرار رکھی ہے۔

وزارت تجارت کی مرتب کردہ چائنہ سروس ٹریڈ ڈویلپمنٹ رپورٹ 2022 کے مطابق آف شور سروس آؤٹ سورسنگ میں تیزرفتار اضافہ ہوا اور اس میں صنعتی تبدیلی اور بہتری کے اثرات بہت نمایاں ہیں۔

یہ رپورٹ  2023 چائنہ بین الاقوامی میلہ برائے  تجارتی خدمات کے دوران منعقدہ ایک فورم کے دوران شائع کی گئی۔

نائب وزیر تجارت وانگ شووین نے بتایا کہ رواں سال کی پہلی ششماہی کے دوران چین کی مجموعی مقامی پیداوار میں خدمات شعبے کا حصہ 56 فیصد اور معاشی ترقی میں 66 فیصد ہے جبکہ ملک میں آنے والی مجموعی غیرملکی سرمایہ کاری کا 70 فیصد خدمات شعبے میں گیا۔

چین میں ڈیجیٹل ثقافت ، ڈیجیٹل مالیات ، انٹرنیٹ صحت عامہ ، آن لائن تعلیم ، اور اسمارٹ لاجسٹکس جیسے ابھرتے شعبے فروغ پا رہے ہیں جس سے خدمات صعنت میں ایپلی کیشن کا منظرنامہ تیزی سے بڑھا ہے ۔

رپورٹ کے مطابق 2022 میں ڈیجیٹل طور پر فراہم کردہ خدمات کی برآمدات 210 ارب امریکی ڈالرز سے زیادہ تھیں جو کل خدمات کی برآمدات کا 50 فیصد سے زائد ہے۔

2023 چائنہ بین الاقوامی میلہ برائے  تجارتی خدمات بیجنگ میں 2 سے 6 ستمبر تک منعقد ہوا جس کا موضوع " کھلے پن سے ترقی کا فروغ ، تعاون سے مستقبل کی فراہمی" تھا۔

میلے میں 83 ممالک اور بین الاقوامی تنظیموں نے شرکت کی جبکہ 2 ہزار 400 سے زائد کمپنیاں آن لائن نمائشوں میں حصہ لے رہی ہیں۔