بیجنگ(شِنہوا)چین کی وزارت تجارت کے اعداد و شمار کے مطابق رواں سال کے پہلے 6 ماہ کے دوران چین کی سروس ٹریڈ ویلیو میں گزشتہ سال کی نسبت 8.5 فیصد اضافہ ہوا ہے۔

اعداد و شمار کے مطابق مجموعی تجارتی مالیت 31.4 کھرب  یوآن (تقریباً 439.19 ارب امریکی ڈالرز) رہی۔

سروس کی برآمدات گزشتہ سال کی نسبت  5.9 فیصد کم ہوکر 13.2 کھرب یوآن رہیں اور خدمات کی درآمدات 18.1 کھرب یوآن رہیں جو ایک سال قبل کے مقابلے میں 22.1 فیصد زیادہ ہیں۔

اعداد و شمار کے مطابق سال کی پہلی ششماہی میں سروس ٹریڈ خسارہ 489.4 ارب یوآن رہا۔

اس عرصے کے دوران چین کی علم پر مبنی خدمات کی تجارت میں مستحکم نمو برقرار رہی جو گزشتہ سال کی نسبت 12.3 فیصد اضافے کے ساتھ تقریباً13.6 کھرب یوآن تک پہنچ گئی۔

یہ اعداد و شمار پہلے 6 ماہ میں مجموعی خدمات کی تجارت کا 43.5 فیصد ہے جو ایک سال قبل کے مقابلے میں 1.5 فیصد زیادہ ہے۔

اس عرصے کے دوران سفری شعبے سے متعلق خدمات میں قابل ذکر بحالی درج کی گئی۔ اس شعبے میں مجموعی تجارتی قدر ایک سال قبل کے مقابلے میں 65.4 فیصد بڑھ کر 650.94 ارب یوآن ہوگئی۔

اعداد و شمار کے مطابق ٹریول سروسز کی برآمدات و درآمدات میں بالترتیب 52.4 فیصد اور 66.4 فیصد اضافہ ہوا۔