بیجنگ (شِنہوا) چین میں 2023 کے ابتدائی 2 ماہ کے دوران خدمات کی تجارت کی مالیت میں اضافے کا سلسلہ جاری رہا۔

وزارت تجارت کے مطابق جنوری تا فروی کے عرصے میں مجموعی تجارتی مالیت تقریباً 969.6 ارب یوآن (تقریباً 141 ارب امریکی ڈالرز) رہی جو گزشتہ برس کی نسبت 1.7 فیصد اضافہ  ہے۔

اس مدت میں خدمات کی درآمدات گزشتہ برس کی نسبت 14.7 فیصد اضافے سے 557.3 ارب یوآن رہیں جبکہ خدمات کی برآمدات 412.3 ارب یوآن سے زائد رہیں جو ایک برس قبل کے مقابلے میں 11.8 فیصد کم ہیں، یوں یہ خسارہ  144.9 ارب یوآن رہا۔

اعداد و شمار کے مطابق معلومات پر مبنی خدمات کی تجارت جنوری۔فروری کے عرصے میں تقریباً 406.9 ارب یوآن تک پہنچ گئیں  جس میں گزشتہ برس کی نسبت 6.4 فیصد تو سیع ہوئی ہے۔

وزارت کے مطابق اس عرصے میں سفری خدمات میں نمایاں بحالی ہوئی اور اس شعبے میں تجارت ایک برس قبل کی نسبت 39.8 فیصد اضافے سے 209.4 ارب یوآن سے زائد ہوگئی۔