بیجنگ(شِنہوا)چین کی آٹوموبائل مصنوعات کی برآمد ودرآمد میں جون میں تیزی ریکارڈ کی گئی۔

چائنہ ایسوسی ایشن آف آٹوموبائل مینوفیکچررز نے کسٹمز کی جنرل ایڈمنسٹریشن کے اعداد و شمار کا حوالہ دیتے ہوئے کہا کہ جون میں ملک کی آٹوموبائل اشیاء کی درآمدات اور برآمدات مجموعی طور پر23ا ارب 61 کروڑ ڈالر رہیں جو گزشتہ سال کی نسبت  22.3 فیصدزائد ہیں۔

آٹوموبائل اشیاء کی برآمدات  گزشتہ سال کی نسبت  35 فیصد بڑھ کر17 ارب 12 کروڑ ڈالر تک پہنچ گئیں جبکہ درآمدات 2.1 فیصد کم ہو کر 6 ارب 48 کروڑ ڈالر رہیں۔

اعداد وشمار کے مطابق رواں سال کی پہلی ششماہی میں آٹوموبائل اشیاء کی کل تجارتی قدر 136 ارب 7 کروڑ ڈالر تک پہنچ گئی جس سے گزشتہ سال کی نسبت 16.2 فیصد اضافہ ظاہر ہوتا ہے۔