بیجنگ (شِنہوا) چین کی اضافی تجارت کا حجم (کرنٹ اکاؤنٹ سرپلس) سال کے پہلے نو ماہ میں208ارب90 کروڑ ڈالررہا۔

فارن ایکسچینج کے ریاستی ادارے کی طرف سے جمعہ کو جاری کردہ اعداد و شمار کے مطابق  مجموعی طور پر اشیاء کے حوالے سے فاضل تجارت کاحجم 454 ارب20کروڑ ڈالررہا تاہم  خدمات کی تجارت میں خسارہ 168ارب 20کروڑ ڈالر ہے۔

فارن ایکسچینج ادارے کے ترجمان وانگ چھون اینگ نے کہا کہ کرنٹ اکاؤنٹ سرپلس اور مجموعی گھریلو پیداوار کا تناسب اس مدت کے دوران 1.6 فیصد رہا، جو کہ ایک معقول حد ہے۔

وانگ نے کہا کہ پیچیدہ بیرونی ماحول کے باوجود، چینی معیشت نے اپنے بحالی کے رجحان اور ترقی کی رفتار کو برقرار رکھا ہے، جو ادائیگیوں کے توازن میں بنیادی توازن کو برقرار رکھے گا۔