بیجنگ(شِنہوا)چین کی الیکٹرانک انفارمیشن مینوفیکچرنگ صنعت میں اگست کے دوران مستحکم ترقی ہوئی ہے اور اس شعبے کی بڑی کمپنیز کی ایڈڈ ویلیو میں گزشتہ سال کی نسبت  5.8 فیصد اضافہ ہوا ہے۔

وزارت صنعت و انفارمیشن ٹیکنالوجی کے مطابق سال کے پہلے 8 ماہ کے دوران بڑی الیکٹرانک انفارمیشن مینوفیکچرنگ کمپنیز کی ایڈڈ ویلیو میں گزشتہ سال کی نسبت  0.9 فیصد اضافہ ہوا۔

یہ اضافہ جنوری سے جولائی کی مدت میں 0.1 فیصد کی شرح نمو سے زیادہ ہے۔ وزارت کے مطابق برآمدات کے ساتھ ساتھ اس شعبے کی بڑی کمپنیز کی آمدنی اور منافع میں پہلے سات ماہ کے مقابلے میں بحالی کے اشارے ملے ہیں۔

اعداد و شمار کے مطابق  جنوری سے اگست کی مدت کے دوران اس شعبے میں فکسڈ اثاثوں کی سرمایہ کاری میں گزشتہ سال کی نسبت  9.5 فیصد اضافہ ہوا جو تمام صنعتوں میں سرمایہ کاری کی مجموعی شرح نمو سے 0.7 فیصد پوائنٹس زیادہ ہے۔