بیجنگ (شِںہوا) چین کی الٹرا ہائی ڈیفینیشن ویڈیو صنعت کا حجم 2022 کے اختتام تک 30 کھرب یوآن (تقریباً 431.8 ارب امریکی ڈالر) سے زائد ہوگیا۔

وزارت صنعت و انفارمیشن ٹیکنالوجی کے ماتحت چائنہ مرکز برائے اطلاعاتی صنعت ترقی کے مطابق اس میں چین کے جنوبی صوبہ گوانگ ڈونگ کا حصہ 600 ارب یوآن رہا۔

مرکز نے بتایا کہ چین کے پاس اب 8 "فورکے" براڈکاسٹ چینلز اور دو "ایٹ کے" چینلز ہیں، جس سے اس شعبے کو پھیلنے میں تقویت ملی۔

 ملک نے "ایٹ کے" کیمروں ، " ایٹ کے" مانیٹرز اور " 8 کے" امیج سینسرز سمیت اہم مصنوعات تیار کیں اور اسے صنعت کی شکل دی۔

چائنہ مرکز برائے اطلاعاتی صنعت ترقی کے مطابق اس شعبے کی مزید ترقی، گھروں اور کار آڈیو و ویڈیو سسٹمز، ٹیلی کانفرنس سسٹم، آن لائن اسٹریمنگ سسٹم اور کمرشل ڈسپلے سسٹم پر توجہ مرکوز کرسکتی ہے۔

چین نے گزشتہ نومبر میں گرافین، ورچوئل رئیلٹی اور الٹرا ہائی ڈیفینیشن ویڈیو صنعت کو فروغ دینے بارے 3 نئے قومی مینوفیکچرنگ اختراعی مراکز کے قیام کی منظوری دی تھی۔