گوئی یانگ (شِنہوا) چین کے جنوب مغربی صوبہ گوئی ژو کے دارالحکومت گوئی یانگ میں چائنہ بین الاقوامی بگ ڈیٹا صنعتی نمائش 2023 اختتام پذیر ہوگئی۔ اس 3 روزہ نمائش میں 61.3 ارب یوآن (تقریباً 8.7 ارب امریکی ڈالر) کے معاہدے ہوئے۔

منتظمین کے مطابق نمائش کے دوران 220 سے زائد کاروباری سرگرمیوں کا انعقاد کیا گیا جہاں 900 سے زائد نئی مصنوعات، ٹیکنالوجیز اور پروگراموں کی نمائش کی گئی۔ نمائش میں 1 لاکھ 80 ہزار سے زائد افراد نے شر کت کی۔

ایکسپو میں 50 ممالک اور خطوں سے 338 غیر ملکی مہمان مدعو تھے۔ نمائش میں 83 بین الاقوامی شہرت یافتہ اداروں نے بھی شرکت کی۔

جمعہ سے اتوار تک جاری رہنے والی اس نمائش میں "ڈیجیٹل اور حقیقی معیشتوں کو مربوط کرنے، کمپیوٹنگ طاقت سے مستقبل سنوارنے " پر توجہ مرکوز کی گئی۔

چین کا پہاڑی صوبہ گوئی ژو چین کا پہلا قومی بگ ڈیٹا جامع آزمائشی خطہ ہے۔ اسے چین کا بگ ڈیٹا مرکز بھی کہا جاتا ہے۔ یہ بگ ڈیٹا صنعت کو اس کی اعلیٰ معیار کی سماجی و اقتصادی ترقی کو ریڑھ کی ہڈی کے طور پر فروغ دیتا ہے۔