بیجنگ(شِنہوا) چین کے سائنسدانوں نے پانچ سو میٹر اپرچر اسفئیریکل ریڈیو ٹیلی سکوپ (فاسٹ)یا "چائنہ اسکائی آئی" کا استعمال کرتے ہوئے76 نئے غیر واضح یا کبھی کبھی دکھائی دینے والے نیوٹران ستارے دریافت کیے ہیں، جن میں سب سے دھندلے نیوٹران ستاروں کا ایک گروپ بھی شامل ہے۔ آسٹرونومی این آسٹرو فزکس  ریسرچ میں شائع ہونے والی تحقیق کے مطابق یہ نیوٹران ستارے اس لحاظ سے بہت خاص ہیں کہ وہ کبھی کبھار ہی بہت سے گردشی ادوار میں ایک بار ہی شعاعیں خارج کرتے ہیں اس لیے انہیں گردش کرنے والے ریڈیو ٹرانسینٹ سورس (بی آر اے ٹیز) کے نام سے جانا جاتا ہے۔   زیادہ تر نیوٹران ستاروں کے برعکس جو مسلسل روشنی  خارج کرتے ہیں، ایک عام پلسر سرچ نظام میں بی آر اے ٹی کو تلاش کرنا مشکل ہے۔ ان کی شناخت ایک انتہائی حساس ریڈیو دوربین کے ذریعے حاصل کردہ ڈیٹا کی ایک بڑی مقدار سےہی ممکن ہے۔