بیجنگ(شِنہوا) چین کے فوٹو وولٹک (پی وی) سیکٹر نے 2022 میں زبردست ترقی کی جس کی مجموعی پیداواری مالیت 14کھرب یوآن(203ارب 90کروڑ ڈالر) سے تجاوز کرگئی۔

وزارت صنعت و انفارمیشن ٹیکنالوجی کے اعدادوشمار کے مطابق، پی وی صنعت کے بڑے لنکس کی پیداوار بشمول پولی سیلیکون، ویفرز، سیلز اور ماڈیولز کی گزشتہ سال کے مقابلے میں رجسٹرڈ شرح نمو 55 فیصد سے زیادہ رہی۔

گزشتہ سال، ملک میں بڑے پیمانے پر پی وی مراکز کی تعمیر اور تقسیم شدہ فوٹو وولٹک کے استعمال میں مسلسل اضافہ ہوا، جس سے نئی شامل کردہ پی وی کی مجموعی صلاحیت 87 گیگا واٹ تک پہنچ گئی۔

بیرون ملک مارکیٹ میں نئی توانائی کی مضبوط طلب کی وجہ سے چین کی پی وی مصنوعات کی برآمد میں اضافہ ہوا۔ اعداد و شمار کے مطابق گزشتہ سال ملک کی پی وی  برآمدات کا حجم51ارب 20کروڑ ڈالررہا۔

نیشنل انرجی ایڈمنسٹریشن کے مطابق، ملک کی قابل تجدید توانائی کی صنعت عالمی سطح پر آگے بڑھ رہی ہے، جس میں چین کے تیار کردہ پی وی ماڈیولز، ونڈ ٹربائنز، گیئر باکسز اور دیگر بنیادی اجزاء کا گزشتہ سال عالمی مارکیٹ میں حصہ 70 فیصد تھا۔