بیجنگ (شِنہوا) چین میں جولائی سے اگست کے دوران کے دوران فوٹووولٹک شعبے میں زبردست ترقی ہوئی جس میں صنعتی سطح اور صنعتی چین کی اہم مصنوعات کی پیداوار میں تیزی سے اضافہ ہوا۔

وزارت صنعت و انفارمیشن ٹیکنالوجی نے بتایا کہ اس عرصے میں ملک میں تقریباً 2 لاکھ 33 ہزار 500 ٹن پولی سلیکون کی پیداوارہوئی جو ایک برس قبل سے 93.8 فیصد زائد ہے ۔

اعداد و شمار کے مطابق پولی سیلیکون ویفرز کی پیداوار گزشتہ برس سے 84.3 فیصد بڑھ کر 98.9 گیگا واٹ ہوگئی۔

وزارت نے بتایا کہ دو ماہ کے دوران کرسٹلائن سلیکون سیلز کی پیداوار 77.9 فیصد اضافے کے ساتھ 84.7 گیگا واٹ جبکہ ماڈیولز کی پیداوار 77.8 فیصد اضافے سے 76.7 گیگا واٹ تک پہنچ گئی۔

رواں سال کے ابتدائی 8 ماہ میں کرسٹلائن سلیکون فوٹو وولٹک سیلز کی کل پیداوار 320 گیگا واٹ سے زائد رہی۔

وزارت نے کہا ہے کہ جنوری ۔ اگست کے دوران فوٹو وولٹک مصنوعات کی برآمدات گزشتہ برس کی نسبت 1.1 فیصد بڑھ کر 36.17 ارب امریکی ڈالر تک پہنچ گئیں۔

حالیہ برسوں کے دوران چین نئی تنصیب شدہ شمسی توانائی کی صلاحیت کے اعتبار سے تیزرفتار ترقی کرنے والا ملک رہا ہے۔ جس کا مقصد سبز ترقی کا فروغ ہے۔