چھانگ چھون(شِنہوا) چین کی گاڑیاں بنانے والی معروف گروپ کمپنی ایف اے ڈبلیو نے اس سال کی پہلی سہ ماہی کے دوران 15ہزار تیار شدہ گاڑیاں برآمد کیں،جو گزشتہ سال سے 125 فیصد زیادہ ہیں۔ چائنہ  ایف اے ڈبلیو گروپ امپورٹ اینڈ ایکسپورٹ کمپنی کے چیئرمین یانگ دایونگ نے کہا کہ 2022 میں گروپ کے ذیلی اداروں،ایف اے ڈبلیو بین تینگ،ایف اے ڈبلیو جائی فانگ اوراس کے سرکردہ سیڈان برانڈ ہونگ چھی کی برآمدی مالیت 6ارب یوآن (87کروڑ20لاکھ ڈالر)سے زیادہ ریکارڈ کی گئی۔

کمپنی بیرون ملک اعلیٰ درجے کی آٹو مارکیٹ میں ہونگ چھی کی توسیع کو تیز کر رہی ہے، اور ہونگ چھی کی بیرون ملک فروخت کو 2025 تک اس کی مجموعی فروخت کے 10 فیصد سے زیادہ اور 2030 تک مجموعی فروخت کے25 فیصد تک بڑھانے کا منصوبہ تشکیل دے رہی ہے۔