گوانگ ژو(شِنہوا) چین کی 2023 کے دوران ڈومیسٹک گیم مارکیٹ کی فروخت سے ہونے والی آمدنی تقریباً303ارب یوآن (تقریباً 42 ارب 70کروڑ ڈالر) تک پہنچ گئی جو گزشتہ سال سے 14 فیصد زیادہ ہے۔

چین کی گیم انڈسٹری سے متعلق سالانہ رپورٹ 2023 چائنہ گیم انڈسٹری کی سالانہ کانفرنس کے دوران جاری کی گئی جو جنوبی صوبے گوانگ ڈونگ کے شہر گوانگ ژو میں منعقد ہوئی۔

رپورٹ کے مطابق چین میں اس وقت کل66کروڑ80لاکھ   گیم پلیئرز ہیں جو کہ ایک نیا ریکارڈ ہے۔

رپورٹ میں کہا گیا ہے کہ ملک میں تیار کردہ ترقی یافتہ گیم پروڈکٹس کی 2023 میں بیرون ملک  آمدنی تقریباً16ارب40کروڑ ڈالر رہی  جس سے مسلسل چار سالوں میں 100 ارب یوآن سے زیادہ کی ریونیو کی سطح حاصل کی گئی ہے۔

امریکہ اور جاپان چینی موبائل گیمز کی دو بڑی بیرون ملک مارکیٹس ہیں ، جو مارکیٹ شیئر کے لحاظ سے بالترتیب 32.5 فیصد اور 18.9 فیصد ہیں اس کے بعد جنوبی کوریا ہے۔