فوژو (شِنہوا) چین کی ڈیجیٹل معیشت کا حجم 2022 میں بڑھ کر 502 کھرب یوآن (تقریباً 72.5 کھرب امریکی ڈالرز) ہوگیا جو گزشتہ برس کی نسبت 10.3 فیصد کی عمومی نمو  اور عالمی سطح پر دوسرے نمبر پر ہے۔ 

چین کی ڈیجیٹل صنعت کی ترقی پر چھٹے ڈیجیٹل چائنہ اجلاس کے موقع پرجاری رپورٹ کے مطابق ملک کی مجموعی قومی پیداوارمیں ڈیجیٹل معیشت کا حصہ بڑھ کر 41.5 فیصد ہوچکا ہے۔

رپورٹ کے مطابق چین میں 2022 کے اختتام تک 23 لاکھ 10 ہزار فائیو جی بیس اسٹیشنز فعال  تھے جبکہ فائیو جی صارفین کی تعداد 56 کروڑ 10 لاکھ ہوچکی تھی جو دنیا کے مجموعی صارفین کے 60 فیصد سے زائد ہے۔ 

چھٹا ڈیجیٹل چائنہ اجلاس چین کے مشرقی صوبہ فوجیان کے شہر فوژو ہورہا ہے ۔ دو روزہ اجلاس میں ڈیجیٹل چائنہ اقدامات کی تازہ ترین کامیابیاں پیش کرنے کے علاوہ ڈیجیٹل ترقی میں تجربے کے تبادلے پر توجہ مرکوز کی گئی ہے۔

چھٹے ڈیجیٹل چائنہ اجلاس کا انعقاد چائنہ سائبر اسپیس ایڈمنسٹریشن، قومی ترقیاتی اور اصلاحات کمیشن، وزارت سائنس و ٹیکنالوجی، وزارت صنعت و اطلاعاتی ٹیکنالوجی، ریاستی کونسل کے نگراں اور انتظامی کمیشن برائے سرکاری اثاثہ جات اور صوبہ فوجیان کی عوامی حکومت نے مشترکہ طور پر کیا ہے۔