بیجنگ (شِنہوا) چین کی ٹیلی کمیونیکیشن انڈسٹری نے ابھرتے ہوئے کاروباری اداروں کی وجہ سے رواں سال کے پہلے پانچ ماہ میں مسلسل ترقی کی۔

وزارت صنعت وانفارمیشن ٹیکنالوجی کے اعدادوشمار کے مطابق اس شعبے کی کمپنیوں کی مجموعی کاروباری آمدنی گزشتہ سال کے مقابلے میں6.8 فیصد اضافے کے ساتھ 712ارب 50کروڑ یوآن(تقریباً99ارب24کروڑ ڈالر) رہی۔

وزارت نے کہا کہ مجموعی طور پرانٹرنیٹ ڈیٹا سنٹرز، بگ ڈیٹا، کلاؤڈ کمپیوٹنگ اورانٹرنیٹ آف تھنگزجیسےابھرتے ہوئے شعبوں کی آمدنی میں گزشتہ سال کے مقابلے میں 20.2 فیصد اضافہ دیکھا گیا، جس سے ٹیلی کام کاروبار کی آمدنی میں 3.8 فیصد پوائنٹس کا اضافہ ہوا۔ اعداد و شمار میں 5جی  خدمات  کی ترقی کے حوالے سے بھی بتایا گیاہے جس کے مطابق ملک میں مئی کے آخر تک 5جی اسٹیشن کی تعداد28لاکھ 40ہزار تھی،جبکہ 2023 کے پہلے پانچ ماہ میں5جی سیل فون صارفین کی تعداد میں 9کروڑ7لاکھ 30ہزارکا اضافہ ہوا۔