گوئی یانگ (شِنہوا) دنیا کی سب سے بڑی سنگل ڈش اور سب سے زیادہ حساس ریڈیو ٹیلی سکوپ، چین کی پانچ سو میٹراپرچر اسفیریکل ریڈیو ٹیلی سکوپ (فاسٹ)کو 16 ممالک سے درخواستیں موصول ہوئی ہیں اور فلکیاتی مشاہدہ کے لیے تقریباً 6ہزار400گھنٹوں کی منظوری دی گئی ہے۔

ایپلی کیشن آئٹمز میں بنیادی طور پر تیز ریڈیو برسٹ آبزرویشن، پلسر آبزرویشن اور نیوٹرل ہائیڈروجن سروے شامل ہیں۔

چین کے جنوب مغربی صوبے گوئی ژو میں ایک گہرے اور گول کارسٹ ڈپریشن میں واقع، فاسٹ نے جنوری 2020 میں باقاعدہ کام شروع کیا جسے 31 مارچ 2021 کو باضابطہ طور پر دنیا کے لیے کھول دیا گیاتھا۔

فاسٹ کے آپریشن اور دیکھ بھال کرنے والی ٹیم اس کے مشاہدے کی کارکردگی کو مزید بہتر بنانے اور بین الاقوامی فلکیاتی برادری کی بڑھتی ہوئی مانگ کو پورا کرنے کے لیے کام کر رہی ہے۔

ٹیلی سکوپ کے چیف انجینئر جیانگ پھینگ کے مطابق، پانچ ذہین روبوٹ سسٹم اور دیکھ بھال کے پلیٹ فارم سے مشاہدے کے وقت کو سالانہ 30 دن تک بڑھانے میں مدد ملے گی۔