بیجنگ (شِنہوا) چین کے نائب وزیر اعظم ہی لی فینگ نے مزید کثیر القومی کمپنیز کو چینی مارکیٹ میں قدم رکھنے کی دعوت دی ہے تاکہ وہ اپنے سرما یہ کو چین کی معاشی ترقی کے ساتھ ساتھ بڑھا سکیں۔
انہوں نے ان خیالات کا اظہار تیسرے چائنہ انٹرنیشنل کنزیومر پراڈکٹس ایکسپو اینڈ گلوبل کنزمپشن فورم سے ویڈیو کے ذریعے خطاب کرتے ہوئے کیا۔
ہی نے مزید کہا کہ چین اعلی درجے کے کھلے پن، بیرونی سرمایہ کاری کے لئے مارکیٹ تک رسائی کو مزید آسان بنانے، قوانین کے مطابق غیر ملکی سرمایہ کاروں کے حقوق اور مفادات کا تحفظ کرنے کے ساتھ ساتھ بہتر کاروباری ماحول کے فروغ کے لئے غیر متزلزل طور پر آگے بڑھے گا۔
انہوں نے کہا کہ چین کی صارف مارکیٹ کا حجم مسلسل بڑھا ہے اور اس کی اپ گریڈیشن کی رفتار تیز ہوگئی ہے جبکہ گھریلو طلب کو بڑھانے اور معاشی ترقی کو فروغ دینے میں کھپت تیزی سے اہم ہوگئی ہے۔
انہوں نے مزید کہا کہ چین گھریلو طلب کو بڑھانے، معیاری اشیا اور خدمات کی فراہمی میں اضافہ کرنے، معیاری صارف اشیا کی درآمدات میں اضافہ جاری رکھنے، سبز اور کم کاربن کی کھپت کو بھرپور طریقے سے فروغ دینے اور معاشی ترقی میں کھپت کے بنیادی کردار کو زیادہ سے زیادہ بہتر سرانجام دینے کے لئے سخت محنت کرے گا۔
