تیان جن (شِنہوا) چھنگ وائی ڈونگ تقریباً 3 دہائی تک تیان جن بندرگاہ میں ٹرالر ڈرائیور کی حیثیت سے کام کرچکے ہیں۔ برسوں کے دوران بندرگاہ اور اس کی ملازمت کافی بدل چکی ہے جبکہ مصنوعی ذہانت نقل و حمل کے روبوٹس کی تربیت اس کے فرائض کا حصہ ہے۔
چھنگ نے بتایا کہ ماضی میں ایک ماہر ٹرالر ڈرائیور ایک دن میں صرف چند سو ٹن سامان لے جا سکتا تھا۔ آج ذہین بندرگاہ کی تعمیر کے سبب دنیا بھر سے سامان کو زیادہ مئوثر طریقے سے منتقل، لادا اور اتارا جاسکتا ہے۔
تیان جن بندرگاہ دنیا کا پہلا اسمارٹ صفر کاربن ٹرمینل اور بندرگارخودکار ڈرائیونگ کا ایک مظاہرہ علاقہ ہے۔ تیان جن بندرگاہ کا 180 سے زیادہ ممالک اور خطوں کی 500 سے زیادہ بندرگاہوں کے ساتھ بحری تجارتی رابطہ ہے اور اس کا مال برداری کنٹینرز حجم دنیا کے 10 صف اول کی فہرست کا حصہ ہے۔
تیان جن بندرگاہ چین کی جہازرانی کی علامت ہے۔ یہ متحرک شعبہ اختراع اور بہتر کارکردگی کی خاصیت رکھتا ہے جس نے عالمی صنعتی چین اور معاشی ترقی کے فروغ میں مدد دی۔
تیان جن بین الاقوامی جہازرانی صنعتی نمائش 2023 جمعرات سے ہفتہ تک چین کی شمالی بلدیہ تیان جن میں منعقد ہوئی جس کا مقصد عالمی جہاز رانی صنعت اور سمندری معیشت کی ترقی کا فروغ ہے۔
بالٹک ایشیا کے سربراہ جن یو چھیونگ نے ویڈیو لنک کے ذریعے بتایا کہ جب ہم اس اجتماع میں جہاز رانی کے مستقبل پر غورکرتے ہیں تو ہم ان کی متاثر کن پیشرفت پر بھی نگاہ ڈالتے ہیں جس نے چین کو سمندری دنیا میں اگلی صف میں لاکھڑا کیا ہے۔
شِنہوا بالٹک انٹرنیشنل شپنگ سینٹر ڈیویلپمنٹ انڈیکس رپورٹ کے تازہ شمارے کے مطابق ایشیا بحرالکاہل خطے کے جہاز رانی مراکز میں گزشتہ دہائی سے اضافہ جاری ہے۔
