اوسلو (شِنہوا) چین کے وزیر خارجہ چھن گانگ نے کہا ہے کہ چین کی جدید کاری سب کی مشترکہ خوشحالی کے لئے کوشاں ہے جو نہ صرف چینی عوام کے لئے بہتر زندگی پیدا کرے گی بلکہ باقی دنیا کے لئے بھی ایک بڑی مارکیٹ اور زیادہ مواقع فراہم کرے گی۔

چھن  نے ناروے کی کاروباری برادری کے نمائندوں سے ملاقات کے دوران کہا کہ  ناروے کی کمپنیز نے 1888 کے اوائل میں چینی مارکیٹ میں داخل ہو نے کے بعد سے اپنے چینی شراکت داروں کے ساتھ طویل مدتی تعاون برقرار رکھا ہے۔

انہوں نے چین کی اصلاحات اور کھلے پن میں گہری دلچسپی لی ہے  جس نے دونوں ممالک کے مابین باہمی فائدہ مند تعاون اور دوستانہ تبادلوں میں اہم کردار ادا کیا ہے۔

انہوں نے کہا کہ چین اصلاحات اور کھلے پن کے لئے پرعزم رہنے  کے ساتھ ساتھ اعلی معیار کی ترقی پر توجہ مرکوز رکھے گا اور ہمہ جہت تعاون کو فروغ دے گا جبکہ عالمی کاروباری اداروں کے لئے سرمایہ کاری کا بہتر ماحول فراہم کرے گا تاکہ ترقی کے نئے مواقع پیدا کیے جا سکیں۔

انہوں نے کہا کہ مضبوط لچک کے ساتھ چینی معیشت مستحکم، بامعنی اور پائیدار ترقی حاصل کرے گی اور عالمی معیشت کے لئے پاور ہاؤس کا کردار ادا کرتی رہے گی۔

چھن  نے کہا کہ چینی جدیدکاری انسانیت اور فطرت کے درمیان ہم آہنگی کی بھی عکاسی کرتی ہے  جس سے چین اور ناروے کے مابین سبز اور کم کاربن تعاون کے لئے وسیع موا قع پیدا ہوں گے۔

ملاقات کے دوران ناروے کے نمائندوں نے کہا کہ وہ چین کے ساتھ تعاون کو مزید گہرا کرنے کے خواہاں ہیں کیونکہ چین ناروے کے کاروباری اداروں کے لئے ایک اہم مارکیٹ اور تجارتی شراکت دار ہے۔

انہوں نے کہا کہ دونوں ممالک کی حکومتوں اور کاروباری برادری کے درمیان بات چیت اور مواصلات کو مضبوط بنانا باہمی تفہیم کو بڑھانے اور تعاون کے شعبوں کو وسعت دینے کے لئے سازگار ہے۔